Չնայած Նարդարանում արտակարգ դրության ոչ պաշտոնական ռեժիմին՝ տեղաբնակները հավաքվել են «Իմամ Հուսեյնի 40 օրվա» սգո արարողությունները նշելու համար։
Ընդ որում, այլ շրջանների ուխտավորներին թույլ չեն տվել մասնակցել արարողությանը։ Ավանում մնում են Ներքին զորքերի ուժերը եւ ՆԳՆ հատուկ նշանակության ջոկատայինները, որոնք չեն խոչընդոտում հավատացյալներին այցելել սրբավայրեր։ Այս մասին հայտնում է Turan-ը՝ վկայակոչելով ավագանու խորհրդի ղեկավար Նատիգ Քերիմովին։ Միաժամանակ նա ընդգծել է, որ նախօրեին ավանում ձերբակալվել է 19 մարդ։ Մեկ ընտանիքում ձերբակալվել է 3 մարդ, ինչի հետեւանքով նրանց մայրը սրտի կաթված է ստացել։
Նշենք, որ ավանն արդեն 6-րդ օրն է՝ մնում է առանց էլեկտրաէներգիայի։ Նարդարանից ոչ հեռու գտնվող Մաշթաղ ավան թույլ չեն տալիս մասնավոր տրանսպորտի երթեւեկությունը։