Սիրիայի նախագահ Բաշար Ասադին տապալելու իր ձգտումներում Թուրքիան համագործակցում է մի շարք ընդդիմադիր խմբավորումների հետ, որոնցից մի քանիսը, ինչպես պնդում են քննադատները, ծայրահեղական են։ Այս մասին գրում է The Los Angeles Times թերթը։

Չնայած Անկարայի այն հայտարարություններին, որ Թուրքիան միայն չափավոր ընդդիմությանն է պաշտպանում, որոշ վերլուծաբաններ կասկածում են, որ թուրքերը տնտեսական կապեր ունեն ԻՊ-ի եւ «Ալ Կաիդայի» որոշ ճյուղերի հետ։ Տարածաշրջանային փորձագետ Մուին Ռաբբանիի խոսքով՝ ներկայումս Թուրքիան ընդդիմության համար ամենակարեւոր երկիրն է։

«Հորդանանցիները շատ ավելի ընտրողական մոտեցան այն հարցին, իսկ թուրքերը ուղղակի բացեցին սահմանը եւ որոշեցին, որ որքան լայն բաց լինի սահմանը, այնքան ավելի շատ օգնություն կստացվի եւ Ասադը ավելի շուտ կհեռանա»,- ասել է Ռաբբանին, փոխանցում է Gazeta-ն։

Շատերի մոտ հարցեր է առաջ բերում այն փաստը, որ Թուրքիան անգործության է մատնված եղել, երբ մեկ տարի առաջ ԻՊ-ը գրոհել էր Քոբանին։ Փորձագետները կարծում են, որ իր անգործությամբ Անկարան ոչ միայն օգնել է գրոհայինները, այլ նաեւ ջանացել է կանխել քրդական պետության ձեւավորումը։