«Իսլամական պետության» զինյալները տեսանյութ են հրապարակել, իբր, «ռուսական լրտեսի» մահապատժի մասին: Այս մասին գրում է Gazeta-ն՝ վկայակոչելով NBC հեռուստաալիքին:
Հաղորդագրությունում նշվում է, որ զինյալը, որը գլխատել է պատանդին, ռուսերենին նման լեզվով բառեր է ասել:
Ավելի վաղ ԻՊ-ի զինյալները տեսանյութ էին հրապարակել, որում Ռուսաստանին սպառնում էին շատ շուտով ահաբեկչություններ իրականացնել: Նշվում է, որ տեսանյութը ձայնագրվել է ռուսերեն: Դրանում նաեւ Եվրոպային ուղղված սպառնալիքներ կան: