Հայաստանի Կենտրոնական ընտրական հանձնաժողովի նախագահ Տիգրան Մուկուչյանը գործել է շատ պրոֆեսիոնալ ու օրենքի շրջանակներում: Ասյ մասին դեկտեմբերի 7-ին ՀՀ խորհրդարանում լրագրողներին հայտնել է «Հանրապետական» խմբակցության նախագահ Վահրամ Բաղդասարյանը:
Այն հարցին, արդյոք կարելի է Մուկուչյանի թեկնածությունն առաջադրել՝ տարվա լավագույն նկարչի կոչման համար՝ նրա նկարչական գործունեության համար, Բաղդասարյանը պատասխանել է, որ պետք չէ խոսակցությունն անլուրջ դարձնել:
«Տիգրան Մուկուչյանը գործել է պրոֆեսիոնալ ու օրենքի շրջանակում: Նա դեռ չի հրապարակել վերջնական արդյունքները, այլ միայն ընտրատեղամասերի նախնական տվյալների մասին է հայտնել: Սահմանված ժամկետներում նա կհայտարարի նաեւ արդյուքները, նորից օրենքի շրջանակում»,- հայտնել է Բաղդասարյանը:
Նշենք, որ ԿԸՀ նախնական տվյալներով, դեկտեմբերի 6-ին սահմանադրական բարեփոխումների օգտին քվեարկել է 63.35 տոկոսը, իսկ դեմ՝ 32.35 տոկոսը: