«Ժառանգությունը» չի միանալու Սահմանադրական դատարան դիմելու ՀԱԿ-ի նախաձեռնությանը, թեեւ ողջունում է այն: Այս մասին, այսօր՝ դեկտեմբերի 15-ին, Ազատության հրապարակում կայացած հավաքի ժամանակ նշեց «Ժառանգության» առաջնորդ Րաֆֆի Հովհաննիսյանը:
«Եթե ՀԱԿ-ի, կամ որեւէ ուժի մոտ կա խոսք, որ տպավորություն է թողնում, որ ժողովրդի «ոչ»-ը ինչ-որ ուժի է պատկանում, իսկական ընդդիմադիր լինելու պայքարի դրոշակը, դա մեղմ ասած ճիշտ չէ: Կոչ եմ անում մեր բոլոր գործընկերներին, դուրս գալ այդ մենաշնորհային մտածողությունից»,-ասաց նա ու հավելեց. «Գագիկ Հարությունյանը այս հարցում ներքին հակամարտության մեջ է եւ առնվազն ինքն իրեն պետք է հեռացնի այդ գործընթացից»:
Րաֆֆի Հովհաննիսյանի խոսքով, այն մարդիկ, որոնք առնչվել են սահմանադրական փոփոխություններին, պետք է հեռու մնան ՍԴ գործընթացից:: «Ժառանգությունը» որոշել է չդիմել, քանի որ արդեն հատակ ենք հասել ու մեր գլխավոր ուղղությունը դիվանագիտական պայքարն է, նաեւ դեսպանների հետ»,-ասաց նա: