Թուրքիայի նախագահ Ռեջեփ Թայիփ Էրդողանի մտերիմներից Սեդաթ Փեքերը սպառնացել է կոտորել քրդերի հետ խաղաղության կոչ արած թուրք ու արտասահմանցի գիտնականներին։
Թուրքիայի քրեական հեղինակություն Սեդաթ Փեքերը հայտարարել է, թե կոտորելու է Էրդողանին խաղաղության կոչ անող բոլոր գիտնականներին ու մտավորականներին։ Նա ասել է. «Այսպես ասած գիտնականներ, զանգերը ձեր համար են ղողանջում։ Ձեզ արյունաքամ ենք անելու ու ձեր արյունով ցնցուղ ենք ընդունելու»։
Նշենք, որ Թուրքիայից ու արտասահմանից հայտնի 1128 գիտնական ու մտավորական ստորագրել են մի տեքստի տակ, որով կոչ են անում քրդերի հետ խաղաղություն հաստատել, դադարեցնել արեւելքում քրդերի կոտորածն ու թույլ տալ հանձնաժողովներ մտնեն բախումների գոտիներ։
