Եվրամիությունը ողջունել է սեպտեմբերի 12-ին Թուրքիայում տեղի ունեցած սահմանադրական հանրաքվեի արդյունքները։

Եվրահանձնաժողովի անդամ, ԵՄ ընդլայնման հարցերով պատասխանատու Շտեֆան Ֆյուլեն հայտարարել է, որ լրացումները, որոնց կողմ է քվեարկել թուրքերի մեծամասնությունը, «քայլ են ճիշտ ուղղությամբ»։

Թուրքիան ընդունել է այդ երկրի վարչապետ Ռեջեփ Թայիփ Էրդողանի կողմից նախաձեռնված սահմանադրական բարեփոխումները։ Համաձայն Թուրքիայի ԿԸՀ-ի՝ համազգային հանրաքվեի մասնակիցների 57,92 տոկոսն «այո» է ասել սահմանադրական բարփոխումների փաթեթին։ Էրդողանի նախաձեռնությանը «ոչ» է ասել ընտրողների 42,07 տոկոսը։ Հանրաքվեի օրը ձերբակալվածների թիվը հասել է 200-ի՝ հիմնականում քրդական «Խաղաղություն եւ ժողովրդավարություն» կուսակցության անդամներ։