Հայաստանի իշխող կուսակցությունը քննարկում է գործընկեր կուսակցությունների հետ հնարավոր համագործակցության հնարավորությունները: Այս մասին այսօր` հունվարի 21-ին, ՀՀԿ ԳՄ նիստից հետո լրագրողների հետ զրույցում ասաց ՀՀԿ-ական պատգամավոր Գագիկ Մինասյանը:
«ՀՀԿ-ն միշտ կողմնակից է եղել համագործակցության: Թե ինչ ձեւաչափով կլինի այն, դեռեւս հստակ չէ, քննարկումներ են ընթանում մեր գործընկեր կուսակցությունների հետ: Հնարավոր է տարբեր ֆորմատով համագործակցություններ տարբեր կուսակցությունների հետ»,- ասաց Գագիկ Մինասյանը:
Պատգամավորը հրաժարվեց հստակեցնել, թե որ կուսակցությունների հետ ինչ քննարկումներ են ընթանում: Նշենք, որ առայժմ ՀՅԴ-ն է բարձրաձայնել, որ հանդիպել են հանրապետության նախագահի հետ եւ «սկզբունքորեն» ընդունել կոալիցիա կազմելու առաջարկը։
«Առաջիկայում հայտնի կլինի, ամեն դեպքում համագործակցությունների տարբեր հնարավորություններ կան»,- ասաց ՀՀԿ-ական պատգամավորը:
