![](img/news/31/04/21/default.jpg)
Մեծ Բրիտանիան ավելի քան 1.6 հազար զինծառայող եւ 300 միավոր զրահատեխնիկա կուղարկի Հորդանան Shamal Storm զորավարժությունների անցկացման համար։ Այս մասին հայտնում է The Telegraph-ը՝ վկայակոչելով երկրի ԶՈւ-ում իր աղբյուրները։
Աղբյուրը հայտնել է, որ այդ զորավարժությունները կապ չունեն ԻՊ ահաբեկչական խմբավորման դեմ Մեծ Բրիտանիայի պայքարի հետ։
Նրա խոսքով՝ զորավարժություններն ուղղված են Ռուսաստանի եւ ՆԱՏՕ-ի միջեւ առճակատաման դեպքում բրիտանացի զինվորականներին եւ սպառազինությունները Արեւելյան Եվրոպա տեղափոխելու հմտություններ մշակելուն, փոխանցում է Gazeta-ն։
Ավելի վաղ հաղորդվում էր, որ ՌԴ ԱԳՆ-ն պատրաստում է Ռուսաստանի խորհուրդ-ՆԱՏՕ նիստի օրակարգային հարցերը։ ՌԴ ՊՆ-ից հայտնել էին, որ հանդիպումը կարող է կայանալ մոտ ժամանակներս։