![](img/news/31/10/28/default.jpg)
Սիրիայում Ռուսաստանի օդատիեզերական ուժերի գործողություններն անսպասելիորեն արդյունավետ դուրս եկան, ինչը կարող է նախագահ Բաշար Ասադին թույլ տալ վերականգնել հսկողությունը երկրի առավել կարեւոր քաղաքների նկատմամբ։ Նման գնահատական է տալիս The New York Times-ի հոդվածագիրը։
«Ռուսաստանի ռազմական գործողությունները փոխել են հակամարտության ընթացքը, որը տարիներ շարունակ փակուղու մեջ էր։ Անսպասելիորեն նախաձեռնությունն անցել է Ասադի կողմը, իսկ ԱՄՆ աջակցությունը վայելող ապստամբները փախչում են»,- գրում է թերթը։
Թերթի գնահատմամբ ԱՄՆ պետքարտուղար Ջոն Քերրին Սիրիայի հարցով առաջիկա միջազգային խորհրդակցությունների ժամանակ ազդեցության շատ թույլ լծակներ է ունենալու։
«Ռուսաստանը կտրել է ճանապարհները, որոնք ԿՀՎ-ն օգտագործում էր ապստամբներին զինելու համար։ Այդ փորձերն այլեւս գաղտնիք չեն»,- նշված է հոդվածում։
The New York Times-ն արձանագրում է այն փաստը, որ Վաշինգթոնը Սիրիայում ռազմավարական դիլեմայի առջեւ է կանգնել առաջին հերթին այն պատճառով, որ Ռուսաստանի գործողություններն անսպասելիորեն արդյունավետ են, որպեսզի օգնեն Ասադին վերականգնել հսկողությունը երկրի առավել կարեւոր քաղաքների նկատմամբ, փոխանցում է ՏԱՍՍ-ը։