Ստեղծվում է ոչ թե ՀՀԿ-ՀՅԴ, այլ նախագահ- ՀՅԴ կոալիցիա։ NEWS.am-ի թղթակցի հետ զրույցում նման կարծիք հայտնեց քաղաքական եւ ընտրական տեխնոլոգիաների փորձագետ Արմեն Բադալյանը:
«Բանակցային գործընթացում Հանրապետական կուսակցությունը դերակատարություն չունի, այստեղ ընթանում է նախագահ- ՀՅԴ բանակցություններ, իսկ ՀՀԿ-ն էլ երրորդ կողմ է դարձել: Այնպես որ սա ոչ թե երկկողմ, այլ քառակողմ բանակցություններ են: Նույն իրավիճակն էլ ՀՅԴ-ում է, որտեղ կա կոնկրետ պայքար տեղերի համար»,- ասաց Արմեն Բադալյանը:
Քաղտեխնոլոգի կարծիքով՝ ՀՀԿ-ին այս փուլում կոալիցիա հարկավոր չէ, ՀՅԴ-ի հետ համագործակցությունը ձեռնտու է Հանրապետության գործող նախագահին:
Հիշեցնենք, որ ՀՀԿ-ն եւ ՀՅԴ բանակցում են կոալիցիա ստեղծելու շուրջ: Ըստ մամուլում շրջանառվող լուրերի՝ ՀՅԴ-ին տրվելու է նախարարի 3 եւ մարզպետի 2 պորտֆել:
