![](img/news/31/29/79/default.jpg)
Սիրիայում ռուսական ռազմական օդանավը խոցելուց հետո խիստ վատ վիճակում գտնվող Թուրքիայի տուրիզմի ոլորտը փրկելու համար վարչապետ Ահմեդ Դավութօղլուն 9 կետից բաղկացած ծրագիր է ներկայացրել։
Թուրքական BirGun-ի փոխանցմամբ՝ Թուրքիայի վարչապետի ներկայացրած ծրագրով նախատեսվում է տուրիստական ընկերություններին օտարերկրյա զբոսաշրջիկներ բերելու դեպքում ամեն մի օդանավի համար վճարել 6 հազար ԱՄՆ դոլար, իսկ 400 հազար զբոսաշրջիկ բերող ընկերությանը տրամադրել 100 մլն դոլար կրեդիտ։ Դավութօղլուն նշել է, թե 2016-ին բոլոր հյուրանոցներին հնարավորություն կտրվի հողի եւ գույքի հարկերի վճարումները հետաձգել, իսկ պարտքեր ունեցող զբոսաշրջային ընկերություններին հնարավորություն կընձեռնվի վերավարկավորել։ «Մեծ ջանքեր ենք գործադրում, որ տուրիզմը վնասներ չկրի»,-հայտարարել է Ահմեդ Դավութօղլուն։