2016թ. պետք է վախենալ ոչ թե Հանրապետական կուսակցությունից, այլ նրա շուրջ հավաքված կապիկ կուսակցություններից: Այս մասին այսօր` փետրվարի 25-ին, Երեւանի Ազատության հրապարակում հրավիրված ասուլիսին ասաց «Ոտքի Հայաստան» նախաձեռնության խորհրդի անդամ Դավիթ Հովհաննիսյանը` անդրադառնալով ՀՀԿ-ի եւ ՀՅԴ-ի միջեւ ստորագրված «Քաղաքական համագործակացության մասին համաձայնագրին»:
«2016թ. կապիկի տարի է, մի վախեցեք Հանրապետականից, վախեցեք ՀՀԿ-ի կողքին գտնվող կապիկ կուսակցություններից եւ այս տարի տեսնում եք, որ դեռ շատ խմորումներ են լինելու եւ ժողովրդին ամենամեծ մոլորեցնողները լինելու են դրանք»,-ասաց նա:
Հիշեցնենք, որ Հայաստանի նախագահական նստավայրում փետրվարի 25-ին, ՀՀԿ-ի եւ ՀՅԴ-ի միջեւ ստորագրվել է «Քաղաքական համագործակացության մասին համաձայնագիր» անվանումը կրող հուշագիրը: Այն ստորագրել են Արմեն Աշոտյանն ու Աղվան Վարդանյանը:
