Աղթամարի Սուրբ Խաչը պատրաստ է կիրակնօրյա պատարագին, այն կիրականացվի թուրքահայ համայնքի կողմից:
Ըստ թուրքական Haberler կայքէջի՝ Վանի նահանգապետ Մյունիր Քարալօղլուն շաբաթ օրը ուղղաթիռով Աղթամար կատարած ստուգայցից հետո ասել է. «Խաչի տեղադրման հետ կապված պաշտոնական որոշում կա, տեղադրումը դա տեխնիկական խնդիր է, որը կպահանջի նվազագույնը 1,5 ամիս»:
Նահանգապետը եկեղեցու արարողությունների բացումը կրոնական զբոսաշրջության ու մշակույթային արժեքների զարգացման տեսանկյունից կարևորեց և հայտնեց, որ Աղթամարը պատրաստ է ընդունելու իր այցելուներին:
Խաչի տեղադրման հետ կապված հարցերին ի պատասխան նահանգապետ Քարալօղլուն ասաց, որ հավելյալ տեխնիկական խնդիրներից խուսափելու համար, ցանկանում են տեղադրումը կատարվի վերականգնումն իրականացնող շինարարական ընկերության կողմից:
Նահանգապետը նաեւ կոնկրետ թիվ չի նշել պատարագին մասնակցելու համար ժամանած զբոսաշրջիկների թվի մասին:
