Հռոմի պապ Ֆրանցիսկոսը մարտի 19-ին Instagram-ում իր հաշիվը կբացի Franciscus անունով: Այս մասին Վատիկանի ռադիոյով հայտնել է Սրբազանի ներկայացուցիչ Դարիո Վիգանոն, փոխանցում է իտալական ANSA. պարբերականը
Մինչ այդ Հռոմի պապը փակ հանդիպում էր ունեցել Instagram–ի հիմնադիր Քվին Սիսթրոմի հետ: Սիսթրոմը նրան ֆոտոգիրք էր նվիրել, որտեղ ժողովված են Instagram–ում տպագրված ամենատպավորիչ լուսանկարները: Հունվարին Հռոմի պապը հանդիպել էր Apple-ի ղեկավար Թիմ Քուքի հետ: Հանդիպման ընթացքում նա ինտերնետը անվանել է «աստծո պարգեւ» ու առողջ հասարակության կառուցման հարթակ:
Վատիկանն արդեն պաշտոնական էջ ունի Instagram-ում՝ մոտավորապես 80 հազար բաժանորդով: Իսկ Հռոմի պապը 2012թ «Թվիթեր»-ում էր հաշիվ բացել: Հիմա նրա էջը 8.87 մլն օգտատեր է ընթերցում: