Ավտոբուսի պայթյունի հետեւանքով վիրավորվածներին ուզում եմ շուտափույթ ապաքինում մաղթել: Այս մասին ապրիլի 26-ին ԱԺ-ում ասել է խորհրդարանի փոխխոսնակ Էդուարդ Շարմազանովը:
«Երեկ երեկոյան մայրաքաղաքում ողբերգական դեպք է եղել: Ուզում եմ ցավակցել բոլորին ու տուժածներին առողջություն ու շուտափույթ ապաքինում մաղթել: Ես հենց նոր եմ խոսել Առողջապահության նախարար Արմեն Մուրադյանի հետ: Երկու դեռահասների վիճակը կայունանում է, մնացած տուժածների մոտ նույնպես դրական դինամիկա կա: Մենք կապի մեջ ենք իրավապահ մարմինների հետ, որոնք համապատասխան աշխատանքներ են իրականացնում:
Նաեւ անցած գիշեր Ադրբեջանը, խախտելով կրակի դադարեցման մասին բանավոր պայմանավորվածությունը, գնդակոծել է հրետանու գրեթե բոլոր տեսակներով: Այնտեղ էլ երկու զոհ կա: Ես զրուցել եմ ԼՂՀ վարչապետ Արա Հարությունյանի ու խորհրդարանի խոսնակ Աշոտ Գուլյանի հետ: ԼՂՀ ՊԲ-ն վերահսկում է իրավիճակը, հիմա համեմատական անդորր է հաստատվել»- ասել է Շարմազանովը:
