Թոմաս Ջեֆերսոնի իրավունքի դպրոցում Հայոց ցեղասպանության մասին «Ցեղասպանությունն ու իրավունքը 101 տարի անց» թեմայով դասախոսություն են կարդացել: Այն կազմակերպել է դպրոցի հայ ուսանողների խորհուրդը:
Զեկույցով հանդես է եկել քրեական իրավունքի մասնագետ Մարկ Կիրակոսը, որը նախկինում մասնակցել է New York Life Insurance-ի եւ AXA Corporation-ի դեմ դատական հայցին՝ XX դարի սկզբին հայերի արած ապահովագրավճարները վերադարձնելու պահանջով:
Եզրափակիչ ելույթով հանդես է եկել հայ ուսանողների ասոցիացիայի նախագահ Մելինե Գրիգորյանը: «Ճանաչելով անցյալը՝ կարելի է հաղթել մարդկության դեմ հանցագործություններին ապագայում»,- հայտարարել է նա: