Ստամբուլի Բաքըրքյոյ թաղամասի ռեստորաններից մեկում հաշիվը փակելու հետ կապված վիճաբանության հետեւանքով սպանվել է հաճախորդներից մեկը։

Թուրքական Tehvidgundem կայքի փոխանցմամբ՝ Իդրիս Ալաքուշ անունով տղամարդն իր ընկերոջ հետ մտել են ռեստորան եւ ճաշել, երբ այդ ընթացքում ռեստորան են մտել նրա ընկերներից եւս 3-ը, որոնց Իդրիսը հրավիրել է իր սեղանին նստել։

Այնուհետ Իդրիսը մատուցողից սեղանի հաշիվն է պահանջել, սակայն նրան տեղեկացրել են, որ իրենց սեղանին միացած ընկերներն արդեն վճարել են հաշիվը։ Այս փաստը կատաղեցրել է Իդրիսին, ով ռեստորանից կատաղած հեռացել ու վերադառնալով՝ ատրճանակով կրակել է 3 ընկերների վրա։ Հիվանդանոց տեղափոխված ընկերներից մեկը հիվանդանոցում մահացել է։