Ամերիկյան Ֆլորիդայի համալսարանի ուսանողները մտքի ուժով կառավարվող անօդաչուների առաջին մրցույթն են անցկացրել: Այս մասին գրում է Lenta-ն՝ վկայակոչելով Mashable-ն:
Միջոցառման տեսագրությունը հրապարակվել է բուհի YouTube-ի ալիքում: Վեց օրվա ընթացքում հոլովակն ավելի քան 40 հազար մարդ է դիտել:
Համալսարանում վստահ են, որ այսպիսի փորձարկումները ոգեշնչում են սովորողներին հետագա ուսումնասիրությունների հարցում:
Մրցույթի ընթացքում ուսանողները նեյրոհամակարգչային ինտերֆեյս են օգտագործել, որը ստեղծվել է ուղեղի եւ էլեկտրոնային սարքի միջեւ տեղեկության փոխանակման համար:
