Նախորդ օրերի բուռն վերելքից հետո ապրիլի 29-ին նավթի համաշխարհային գները կայունացել են: Իսկ վերելքը պայմանավորված էր շուկայում առաջարկի եւ պահանջարկի հավասարակշռության վերականգնման սպասումներով, հաղորդում է Bloomberg-ը:
Լոնդոնի ICE Futures բորսայում Brent տեսակի նավթի հունիսյան ֆյուչերսների արժեքը նվազել է 5 տոկոսով՝ հասնելով 48,09 դոլարի՝ մեկ բարելի դիմաց:
Նյու Յորքի ապրանքային բորսայում (NYMEX) WTI տեսակի նավթի հունիսյան ֆյուչերսների արժեքը նվազել է 3 տոկոսով՝ հասնելով 46 դոլարի՝ մեկ բարելի դիմաց:
Ապրիլին նավթի գների աճը կազմել է մոտ 20 տոկոս:
Նշենք, որ նախորդ շաբաթ ԱՄՆ-ում նավթի արդյունահանման ծավալները կրճատվել են 0,2 տոկոսով՝ հասնելով օրական 8,938 մլն բարելի: ԱՄՆ նավթի պաշարները նախորդ շաբաթ աճել են 2 մլն բարելով, իսկ բենզինի պաշարները՝ 1,6 մլն բարելով: