ԱՄՆ արդարադատության նախարարությունը ամերիկյան Dole Food սննդի ընկերության նկատմամբ քրեական գործ է հարուցել լիստերիոզ ինֆեկցիոն հիվանդության բռնկման կապակցությամբ, որի հետեւանքով ԱՄՆ-ում ու Կանադայում չորս մարդ է մահացել, հայտնում է The Wall Street Journal–ը:
Dole Food-ում ընդունել են, որ ԱՄՆ իշխանությունները վերջերս կապվել են ընկերության հետ՝ Սփրինգֆիլդի ձեռնարկությունում պատրաստված աղցանում մարդու համար վտանգավոր բակտերիաներով վարակվելու դեպքերի կապակցությամբ: Ֆիրմայի ղեկավարությունը վստահեցրել է, որ այս գործով համագործակցում է արդարադատության նախարարության հետ, գրում է պարբերականը:
