Microsoft ընկերությունը Windows-ում ամենահին հավելվածներից մեկի` Paint-ի մասշտաբային թարմացում է նախապատրաստում, հայտնում է Gazeta-ն` վկայակոչելով Mspoweruser-ին:
Թվիթերի օգտատերերից մեկը` WalkingCat նիկով Windows Store-ում հայտնաբերել է Newcastle հավելվածը: Էնտուզիաստը պարզել է, որ նախկինում այն New Paint անվանումն է կրել: Պարզվել է, որ Paint-ը ավանդականից լիովին տարբեր ձեւավորում կստանա եւ հանդես կգա Windows-ի համար ունիվերսալ հավելվածի դերում:
Հայտնի չէ, թե արդյոք ստանդարտ խմբագիրը նոր գործառույթներ կունենա: Ակնկալվում է, որ նոր Paint-ը կներկայացնեն միաժամանակ լայնամասշտաբ Anniversary Update թարմացմամբ, որը սպասվում է ամռանը:
