Ռուսաստանից Հայաստան զբոսաշրջիկների հոսքն աճում է: Այս մասին Մոսկվայում հայ լրագրողների հետ զրույցում ասել է ՌԴ տնտեսական զարգացման նախարարի առաջին տեղակալ Ալեքսեյ Լիխաչեւը:
Լիխաչեւի գնահատականով՝ ռուսաստանցի զբոսաշրջիկին գրավում է Հայաստանի պատմությունը եւ գեղատեսիլ բնաշխարհը, նաեւ կոլորիտը: Մինչդեռ Հայաստանի ենթակառուցվածքները, ըստ փոխնախարարի, ոչ միշտ են համապատասխանում անհրաժեշտ չափանիշերին:
«Երեւանում եւ մոտական բնակավայրերում ենթակառուցվածքները համապատասխանում են նորմերին, սակայն, ընդհանուր առմամբ, ճանապարհների եւ հյուրանոցների մակարդակը դեռ բարելավման տեղ ունի: Սակայն գնի եւ որակի համապատասխանությունը բավական ձեռնտու է ռուսաստանցի զբոսաշրջիկներին: Ուրախացնող է նաեւ ռուսաստանցիների հանդեպ բարեկամական եւ եղբայրական վերաբերմունքը»,- ասել է Լիխաչեւը՝ ընդգծելով, որ, այնուամենայնիվ, ռուսերենը Հայաստանում սկսու մեն մոռանալ:
