Microsoft ընկերությունը 1850 աշխատակցի կազատի աշխատանքից՝ ծախսերը կրճատելու նպատակով: Այս մասին հայտարարել է ընկերության գլխավոր տնօրեն Սաթիա Նադելլան:
Ըստ Bloomberg-ի, կրճատումները կառնչվեն Ֆինլանդիայում Microsoft Mobile Oy ձեռնարկության 1350, ինչպես նաեւ ամբողջ աշխարհում ընկերության եւս 500 աշխատակիցների: Ընդհանուր առմամբ, նրանց ընկերությունը ստիպված կլինի 200 մլն դոլարի չափով վերջնահաշվարկ վճարել:
Gazeta-ի փոխանցմամբ, աշխատակիցներին ուղղված նամակում Microsoft-ի Windows and Devices Group բաժնի գործադիր փոխնախագահ Թերրի Մայերսոնն աշխատատեղերի կրճատումն «անհավանական ծանր որոշում է» կոչել:
