![](img/news/33/01/11/default.jpg)
Այսօր` հունիսի 1-ին Beeline-ի աջակցությամբ տեղի ունեցավ Էդուարդ Միրզոյանի անվան լարային քառյակի բարեգործական համերգը` նվիրված Երեխաների պաշտպանության միջազգային օրվան:
Համերգը կայացավ Ալեքսանդր Թամանյանի անվան ճարտարապետության ազգային թանգարան-ինստիտուտում: Համերգի ընթացքում քառյակը հանդես եկավ դասական երաժշտության մասին համերգ-դասախոսությունով` նախատեսված տարբեր տարիքային խմբերի հանդիսատեսի համար:
«Շնորհավորում եմ բոլոր մանուկներին այս հրաշալի ու պայծառ տոնի կապակցությամբ եւ մաղթում, որ նրանց բոլոր օրերը հագեցած լինեն այսօրվա դրական լիցքերով ու ժպիտներով: Երեխաները մշտապես գտնվում են Beeline-ի ուշադրության կենտրոնում, եւ մենք ուրախ ենք աջակցել այն միջոցառումներին, որոնք օգնում են երեխաների կյանքը դարձնել ավելի լավը եւ նրանց համար կերտել պայծառ ապագա», - նշեց Հայաստանում Beeline-ի գլխավոր տնօրեն Անդրեյ Պյատախինը։
Նշենք, որ Բարեգործական միջոցառումների շրջանակում թանգարանում նաեւ բացվեց «Այբ» դպրոցի, IQ մանկապարտեզի եւ «Աուտիզմ ազգային հիմնադրամ»-ի «Իմ ուղին» ուսումնավերականգնողական կենտրոնի երեխաների ձեռքի աշխատանքների ցուցահանդեսը, որը կգործի մինչեւ հունիսի 15-ը: Տեղի ունեցավ նաեւ ֆիլմի դիտում: Միջոցառումներից ստացված շահույթը կփոխանցվի արտասահմանում բուժման կարիք ունեցող երեխաների օգնության հիմնադրամին:
Հիշեցնենք, որ Քառյակի գործունեության ընթացքում երաժիշտները հաջողությունների են հասել բազմաթիվ միջազգային մրցույթներում եւ հայտնի են դարձել ոչ միայն մեր երկրում, այլ նաեւ ամբողջ աշխարհում: Երաժիշտներից յուրաքանչյուրն ունի անվանական պարգեւներ եւ մրցանակներ՝ հայրենիքն ըստ արժանվույն ներկայացնելով բազմաթիվ միջազգային բեմերում կայացած հյուրախաղերի ժամական: 2015 թ. նոյեմբերից Քառյակը պաշտոնապես հանդիսանում է լարային գործիքների համար լարեր եւ աքսեսուարներ արտադրող «D'addario Kaplan" - "D'Addario artist» ամերիկյան ընկերության տարածաշրջանային դեմքը: Beeline-ը Քառյակի մշտական գործընկերն է 2013թ.-ից։