Բրյուսելի միջազգային օդանավակայանի մեկնումների սրահում հինգշաբթի` ահաբեկչական գործողություններից գրեթե 2,5 ամիս անց ամբողջությամբ վերականգնվել է ուղեւորների գրանցումը:
«ՌԻԱ Նովոստիին» ավիատերմինալի մամուլի ծառայությունից հայտնել են, որ գրանցումը տեղի է ունենում նույն ռեժիմում, ինչ մինչեւ մարտի 22-ի ահաբեկչական գործողությունները. մեկնման սրահում աշխատանքը վերականգնել է 21 ավիաընկերություն:
Այս հինգշաբթիից Բրյուսելի միջազգային օդանավակայանն օրական 60-70 հազար ուղեւոր կընդունի: Մեկնող չվերթների քանակն ավելացել է ժամում 22-ից մինչեւ 28:
Բրյուսելի միջազգային օդանավակայանում մարտի 22-ի առավոտյան երկու պայթյուն էր որոտացել: Երրորդ պայթյունը տեղի էր ունեցել քիչ անց մետրոյի «Մալբեկ» կայարանում: Ահաբեկչության հետեւանքով 32 մարդ էր զոհվել, ավելի քան 300-ը տարբեր ծանրության վնասվածքներ էր ստացել: Գրոհի համար պատասխանատովթւյունը ստանձնել էր ահաբեկչական «Իսլամական պետություն» խմբավորումը:
