Բրյուսելում այս տարվա մարտի 22-ին տեղի ունեցած ահաբեկչություններից տուժածներին ապահովագրական վճարները գնահատվում են մոտ 160 մլն եվրո: Այս մասին հաղորդում է Derniere heure թերթը՝ վկայակոչելով Assuralia բելգիական ապահովագրողների ասոցիացիան:
Մարտի 22-ի առավոտյան երկու պայթյուն որոտացել էր Բրյուսելի միջազգային օդանավակայանում, երրորդ պայթյունը տեղի էր ունեցել մի փոքր անց մետրոյի վագոնում, «Մալբեկ» կայարանում: Ահաբեկչության հետեւանքով մահացել էր 32, վիրավորվել՝ 340 մարդ: Ահաբեկչության պատասխանատվությունն իր վրա էր վերցրել «Իսլամական պետություն» ահաբեկչական խմբավորումը:
Նախորդ շաբաթ Բելգիայի արդարադատության նախարարությունը հայտնել է, որ պետությունն արդեն տուժածներին վճարել է ընդհանուր առմամբ ավելի քան 674 հազար եվրո:
