![](img/news/03/31/51/default.jpg)
EuroNews-ը ոչ միայն նշել է, որ սահմանի ապաշրջափակումը վերացնելու փոխարեն թուրքերը նոր սադրանքներ են կազմակերպում, այլեւ շատ թափանցիկ ակնարկ է արել Թուրքիային` ցուցադրելով քարտեզի վրա Հայաստանի գույներով ներկված Արարատի շրջակա տարածքը` ներառելով ողջ Սուրմալուի գավառը:
Եվրոպայի Հայկական Միությունների Ֆորումի /ԵՀՄՖ/ նախագահությունը շնորհակալության խոսք է ուղել EuroNews-ի տնօրինությանը` բարձր գնահատելով Անիի հայկական եկեղեցու պատերի ներքո թուրք ազգայնամոլների կողմից կազմակերպված նամազի կատարման ակտի շուրջ EuroNews-ի կատարած ճշմարտացի տեղեկատվության համար:
Ըստ ԵՀՄՖ-ի նախագահի, EuroNews-ը ոչ միայն նշել է, որ սահմանի ապաշրջափակումը վերացնելու փոխարեն թուրքերը նոր սադրանքներ են կազմակերպում, այլեւ շատ թափանցիկ ակնարկ է արել Թուրքիային` ցուցադրելով քարտեզի վրա Հայաստանի գույներով ներկված Արարատի շրջակա տարածքը` ներառելով ողջ Սուրմալուի գավառը: Նրա խոսքով, սա Եվրոպայի Տնտեսական ֆորումում սլովակ հայտնի քաղաքական գործիչ Ֆրանտիշեկ Միկլոշկոյի ելույթի առաջին արձագանքն էր EuroNews-ի կողմից: Խոսքն Արարատ լեռն իր շրջակայքով Հայաստանին վերադարձնելու պահանջի մասին է, որը Միկլոշկոն շրջանառության մեջ է դրել Եվրոպայի բարձրակարգ ֆորումում:
Ինչպես NEWS.am-ը տեղեկանում է ԵՀՄՖ-ից, «Որքան Թուրքիան կզարգացնի իր ազգայնամոլական քաղաքականությունն, այնքան ԵՄ-ի կողմից ռեակցիան կլինի ուժգին: Այս տարրական ճշմարտությունը հասկանալու համար ԵՀՄՖ-ի նախագահը Թուրքիայի իշխանություններին խորհուրդ է տալիս ուսումնասիրել վերջին տասնամյակում ԵՄ-ին անդամակցված երկրներում ազգայնամոլական կուսակցությունների նկատմամբ ԵՄ-ի կողմից վարված քաղաքականությունը: ԵՄ-ին անդամակցված երկրները մինչեւ հիմնովին չեն վերացրել ծայրահեղական, ազգայնամոլական հենքի վրա գործող կուսակցություններին, չեն անդամակցվել ԵՄ-ին:
Ի պատասխան թուրք ազգայնամոլների հայտարարում ենք, որ Եվրոպայի հայկական լոբինգն ավելի է մեծացնելու բոլշեւիկների կողմից առանց որեւէ հիմքի ու բացատրության Արեւելյան Հայաստանի հարավային գավառները Թուրքիային տալու փաստի դեմ պայքարը` պահանջելով ետ վերադարձնել հայկական երեքհազարամյա հողերն իր իսկական տիրոջը»,-ասված է ԵՀՄՖ-ի հաղորդագրության մեջ: