Ճապոնական Nissan ընկերության ինժեներներն e-Bio տեխնոլոգիա են մշակել, որը թույլ է տալիս էլեկտրական մեքենաների մարտկոցները լիցքավորել նոր սերնդի վառելիքային տարրերի օգնությամբ: Այս մասին գրում է Gazeta-ն՝ վկայակոչելով Reuters-ը:
Նոր տեխնոլոգիան ենթադրում է որպես վառելիք ջրածնի օգտագործումը, որը ստացվում է էթանոլից հատուկ փոխակերպիչի օգնությամբ:
Ենթադրվում է, որ այս տեխնոլոգիայի կիրառման արդյունքում էլեկտրական մեքենան կկարողանա մինչեւ 600 կմ ճանապարհ անցնելու համար լիցք ունենալ:
Ընկերությունն արդեն նոր էլեկտրական մեքենայի նախատիպն է ստեղծել: Չի նշվում, սակայն, թե երբ մեքենան սերիական արտադրություն կունենա: