Գեղարքունիքի մարզի Վարդենիս քաղաքում հունիսի 22-ին տեղի ունեցած պայթյունից մահացած 32-ամյա Գրիշա Շաբոյանը ամուսնացած է, ունի մեկ անչափահաս երեխա: NEWS.am-ի տեղեկություններով, Գրիշա Շաբոյանը իրեն պատկանող շինություններից մեկում աշխատելիս է եղել, երբ տեղի է ունեցել պայթյունը: Նա մշտական աշխատանք չի ունեցել, զբաղվել է տարբեր աշխատանքներով:
Գրիշա Շաբոյանի կինը հղի է, սպասում է երկրորդ երեխային:
Ավելի վաղ տեղեկացրել էինք, որ Գեղարքունիքի մարզի Վարդենիս քաղաքում հունիսի 22-ին, պայթյուն է տեղի ունեցել, ինչի հետեւանքով երիտասարդ տղամարդը տեղում մահացել է: