![](img/news/33/37/84/default.jpg)
Լեռնային Ղարաբաղի հակամարտությունը կարող է հետեւանքներ ունենալ անվտանգության ավելի լայն ոլորտի՝ նույնիսկ Եվրոպայի ու Եվրասիայի համար: Այս մասին հունիսի 24-ին հայտնել է Հայաստանում ԵՄ պատվիրակության ղեկավար, դեսպան Պյոտր Սվիտալսկին, ելույթ ունենալով «Համընդհանուր խաղաղության տեղական արմատները» թեմայով միջազգային գիտաժողովի ժամանակ:
Նրա խոսքով Հայաստանը գտնվում է մի տարածաշրջանում, որտեղ հակամարտությունները անվտանգության համար իրական սպառնալիք են: «Իրավիճակը բավականին խոցելի է: Հույս ունենանք, որ մենք դառնում ենք ղարաբաղյան հակամարտության խաղաղ կարգավորման գործըթնացում առաջընթացի ականատեսներ, առաջընթաց, որը մեկնարկել է Վիեննայում կայացած գագաթաժողովից»,- նշել է Սվիտալսկին: Դիվանագետը հույս է հայտնել, որ զգալի արդյունքներ կարձանագրվեն վստահության վերականգնման միջոցառումների, շփման գծի երկայնքով միջադեպերի հետաքննման մեխանիզմների ներդրման ու նաեւ հակամարտության խաղաղ կարգավորման ուղղությամբ տեսանելի առաջընթացի տեսակետից:
Հիշեցնենք, որ մայիսի 16-ին Վիեննայում կայացել է Լեռնային Ղարաբաղի հարցով հանդիպում: Գագաթաժողովին ներկա էին Հայաստանի ու Ադրբեջանի նախագահներ Սերժ- Սարգսյանն ու Իլհամ Ալիեւը, Ռուսաստաանի արտգործնախարար Սերգեյ Լավրովը, ԱՄՆ պետքարտուղար Ջոն Քերրին, Ֆրանսիայի՝ եվրոպական գործերով պետքարտուղար Արլեմ Դեզիրը, նաեւ ԵԱՀԿ Մինկի խմբի համանախագահներ Ջեյմս Ուորլիքը, Իգոր Պոպովը ու Պյեր Անդրիեն: Հունիսի 20-ին Սանկտ Պետերբուրգում արդեն Ռուսաստանի նախաձեռնությամբ անցել է Սարգսյան-Պուտին- Ալիեւ եռակողմ հանդիպումը: