Հունիսի 24-ին, ժամը 16.50-ին, ոստիկանության Երեւան քաղաքի վարչության օպերատիվ կառավարման կենտրոնից Մաշտոցի բաժնում հաղորդում է ստացվել, որ իրենց է զանգահարել 20-ամյա Վալերիա Ս.-ն եւ հայտնել, որ երթուղային ավտոբուսում գողացել են դրամապանակը:
Ոստիկանության մամուլի ծառայությունից NEWS.am-ին հայտնում են, որ մեկնած օպերատիվ խումբը պարզել է, որ նույն օրը, ժամը 16.20-ին, Երեւանի Հալաբյան եւ Մարգարյան փողոցների խաչմերուկում Վալերիա Ս.-ն նկատել է, որ թիվ 27 երթուղային ավտոբուսում պայուսակից գողացել են դրամապանակը, որի մեջ եղել է 30.000 դրամ, 6 դոլար, բանկային քարտ եւ այցեքարտեր:
Ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, գողությունը կատարելու կասկածանքով, հունիսի 29-ին, ժամը 15.00-ին, Լենինգրադյան փողոցի թիվ 13 շենքի մոտից բաժին բերման են ենթարկել 28-ամյա Գագիկ Կ.-ին, որը տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն: