![](img/news/33/84/43/default.jpg)
Ռուսաստանի սահմանադրական դատարանը ընդունել է զանգվածային ակցիաների մասնակիցների՝ բերանները սոսնձաթղթով փակելու, դեմքին նկարներ անելու կամ քարոզչական սթիքեր փակցնելու իրավունքը: Նման որոշում է կայացվել Սամարայից ուսանողների բողոքը քննարկելուց հետո, որոնք «Լռության օր» ակցիայի ընթացքում իրենց բերանները սոսնձաթղթով փակել էին, ինչի համար նրանց ձերբակալել էր ոստիկանությունը: Ակցիայից հետո ակտիվիստներից մեկին տուգանել էին 10 հազար ռուբլով, հայտնում է BBC–ն:
Դատարանը պարզաբանել է, որ ակցիայի մասնակիցները կարող են եղանակային պայմանների պատճառով դեմքերը փակել շարֆերով կամ բինտերով, թանձիֆե կապերով կամ ռեսպիրատորներով՝ ըստ բժշկական ցուցանիշների: Բացի դրանից ցուցարարներին թույլատրել են իրենց դեմքերը օգտագործել որպես քարոզչության պատկերավոր առարկա, դրանց վրա սոսնձելով սթիքերներ կամ սոսնձաթուղթ: Ընդ որում դեմքերը դիմակներով փակելը շարունակում է արգելված մնալ: Բացի դրանից ոստիկանությունը պետք է ուշադրություն դարձնի ցուցաարարների դեմքերը դիմակներով ծածկելու դրդապատճառներին ու գնահատի դրանց «ազդեցությունը անվտանգության ու հասարակական կարգի վրա», նշում են ՍԴ-ի որոշման մեջ:
ՍԴ-ն նաեւ պարզել է, որ իշխանությունները չպետք է չափից շատ վերահսկեն հասարակական միջոցառումների մասնակիցների ու կազմակերպիչների գործունեությունը ու անհիմն սահմանափակեն մարդկանց՝ խաղաղ հավաքների իրավունքը: