Իրաքցի զինվորականները ԻՊ ահաբեկիչներից ազատագրված Ֆալուջա քաղաքը պաշտպանելու նպատակով նրա շուրջ փոս կփորեն, հայտնում է AP-ը՝ վկայակոչելով զինվորական հրամանատարներից մեկին:
Անբար նահանգում գտնվող քաղաքը ահաբեկիչներից ազատագրվել էր հունիսին: ԻՊ-ի դեմ ռազմական գործողությունների ժամանակ այնտեղից 85 հազար մարդ է փախել: ՄԱԿ փորձագետներն ակնկալում են, որ բնակիչները կկարողանան օգոստոսին վերադառնալ Ֆալուջա:
«Փոսը կպաշտպանի քաղաքի բնակիչներին, որոնք շատ ողբերգություններ են ապրել, ինչպես նաեւ այնտեղ գտնվող ուժայիններին»,- ասել է ազատագրման գործողությունը ղեկավարած հրամանատար Աբդել Վահաբ աս Սաադին:
Փոսը կունենա 12.5 մ խորություն: Քաղաք ելումուտի համար միայն մեկ ճանապարհ կմնա, որը թույլ կտա ավելի լավ վերահսկել մեքենաների եւ մարդկանց տեղաշարժը: Ֆալուջան նախկինում բազա էր ծառայում ահաբեկիչներին Իրաքի մայրաքաղաք Բաղդադի վրա հարձակվելու համար:
