Մյունխենի առեւտրի կենտրոնում սպանդը կազմակերպած հրաձիգն այդ օրը տեխնիկումում կտրվել էր քննությունից։ Այս մասին հայտնել գերմանական Bild am Sonntag (BamS) թերթը՝ վկայակոչելով ոստիկանության աղբյուրները։
Լրատվամիջոցի փոխանցմամբ, 18-ամյա Ալի Դավիդ Սոնբոլին լուրջ խնդիրներ ուներ հասակակիցների հետ շփումներում։ Նա Գերմանիայի քաղաքացի էր, ծագումով իրանցի։ Ալիի հայրը տաքսիստ է, մայրն աշխատում է առեւտրային ցանցում։ Նա ծնվել ու մեծացել է Մյունխենի Դահաուեր շտրասսեի շրջանում, որը ոչ բարեկեցին է համարվում։
Սոնբոլին ծաղրուծանակի է ենթարկվել իր հասակակից թուրքերի ու արաբների կողմից։ Մի քանի տարի առաջ նա կողոպուտի զոհ է դարձել եւ ծեծից հետո դիմել է ոստիկանություն։
BamS-ը նշում է, որ մյունխենյան հրաձիգի մոտ ախտորոշվել է ուշադրության եւ գերակտիվության դեֆիցիտի սինդրոմ։
Քննությունը համարում է, որ Սոնբոլին կարող էր համակրել Անդերս Բրեյվիկին, որը սպանդ էր կազմակերպել Նորվեգիայում 5 տարի առաջ։ Երիտասարդի սենյակում հայտնաբերվել են գրքեր, որտեղ նկարագրվում են զանգվածային սպանություններ դպրոցներում։
Տեղի լրատվամիջոցները ակտիվորեն զուգահեռներ են տանում մյունխենյան եւ նորվեգական հրաձիգների միջեւ, քանի որ Սոնբոլին հանցագործություն է գործել Բրեյվիկի սպանդից ուղիղ 5 տարի անց։ Բացի այդ, Մյունխենում օգտագործվել է Glock-17 ժամացույց, ճիշտ նույն մոդելի, որն օգտագործել է Բրեյվիկը։
Նշենք, որ Սոնբոլին կրակ էր բացել առեւտրի կենտրնում հուլիսի 22-ի երեկոյան։ Նա գնդակահարել էր 9 մարդու, որից հետո ինքնասպան էր եղել։ Վիրավորների թիվը հասնում է 35-ի։
