Մադագասկարի իշխանությունները սկսել են հետաքննել երկրի կենտրոնական հատվածում բնակելի տանը բռնկված հրդեհի պատճառները, որի արդյուքնում 38 մարդ է զոհվել, այդ թվում՝ 16 երեխա: Այս մասին հաղորդում է BBC-ն:
Ոստիկանության հաղորդմամբ՝ Ամբալավատու գյուղում հրդեհը բռնկվել է գյուղում կազմակերպված տոնի ժամանակ, որին մասնակցողները նշել են տան վերանորոգման ավարտը: France Presse-ի տվյալներով, հրդեհի պահին տանը 39 մարդ է եղել, որոնցից 38-ը զոհվել է: Զոհերից ամենափոքրը 6 ամսական երեխա է:
Ենթադրվում է, որ հրդեհը սկսվել է ածխից, որն օգտագործել են տոնական կերակուրներ պատրաստելու համար: Ըստ Midi Madagasikara պարբերականի՝ դեպքի վայր հասած գյուղացիները չեն կարողացել ժամանակին անհրաժեշտ օգնություն ցուցաբերել: Նշվում է, որ զոհերի մեծ մասը մեկ ընտանիքի անդամներ էին: