Ինդոնեզիայում 4 մարդու մահապատժի են ենթարկել, այդ թվում՝ երեք օտարերկրացու. նրանք Նիգերիայի քաղաքացիներ են: Բոլորն էլ մահվան են դատապարտվել թմրանյութերի վաճառքի մեղադրանքով:
Տեղական իշխանությունների փոխանցմամբ՝ մահվան դատավճիռները նպատակ ունեն «ոչ թե կյանք խլել, այլ թմրանյութերի շրջանառության չարիքի դեմն առնել»: Այս մասին գրում է AFP-ն:
Նշենք, որ մահվան դատավճռի իրականացման է սպասում եւս 10 անձ, այդ թվում՝ Հնդկաստանի, Պակիստանի, Զիմբաբվեի քաղաքացիներ: Նրանք դատապարտվել են նույն մեղադրանքներով:
Օրերս ՄԱԿ-ը դատապարտել էր Ինդոնեզիայում իրագործվող մահվան դատավճիռները՝ իշխանություններին կոչ անելով հրաժարվել այդ պրակտիկայից: