![](img/news/34/14/39/default.jpg)
Տարածաշրջանային զարգացումների մեջ արձանագրվել են էական փոփոխություններ: Այս մասին այսօր՝ օգոստոսի 11-ին, լրագրողների հետ հանդիպմանն ասաց ԱԺ պատգամավոր Կարեն Բեքարյանը:
«Էական փոփոխություններ ասելով առաջին հերթին նկատի ունեմ ռուս-թուրքականը: Եռակողմ հանդիպման պարագյում նկատում ենք տարածաշրջանի ավելի լայն ընդգրկվածության քննարկումների ավելի լայն նախերգանք, որոնք կլինեն արդյունավետ, դրանք կյանքի կոչման հավանականությունն էապես կավելանա: Երբ տարածաշրջանի բոլոր դերակատարներն այդ քննարկումներում ունենան իրենց մասնակցությունը»,-ասաց նա:
Նա նշեց, որ Հայաստանը չպետք է ահաբեկվի Թուրքիայի ակտիվությունից. «Արդյոք մենք պե՞տք է ահաբեկվենք Թուրքիայի ակտիվությունից, իհարկե ոչ: Ռուսական կողմի նախաձեռնած հանդիպումները տեղի չեն ունենում ապրիլյան պատերազմի համատեքստում եւ դրանցով Թուրքիայի ազդեցությունը որեւէ կերպ չաճեց ԼՂ կարգավորման հարցում»,- ասաց պատգամավորը:
Նա նշեց, որ Թուրքիան Մինսկի խմբի անդամ է, եւ նրա ակտիվությունը Ղարաբաղյան հիմնախնդրի հարցում պայմանավորված է այդ հանգամանքով։