Աեւելյան Սասեքսում, Լա Մանշի ջրերում լողալիս անհայտ հանգամանքներում հինգ բրիտանացի է զոհվել, հայտնել է Sky News հեռուստաալիքը՝ վկայակոչելով թագավորական փրկարարական կազմակերպությունը:
Հեռուստաալիքը նշում է, որ օգոստոսի 24-ին փրկարարները ջրից հանել են երեք տղամարդու, սակայն նրանց կյանքը չի հաջողվել փրկել: Ավելի ուշ Կամբեր Սանդս հանրահայտ լողափի մոտ ջրում գտել են եւս երկու մարդու դի, հայտնում է «ՌԻԱ Նովոստին»:
Վարկածներից մեկով տղամարդիկ կարող էին զոհվել մեդուզաների խայթոցից: Սակայն փրկարարները այդ պատճառը քիչ հավանական են համարում, քանի որ տեղի մեդուզաները ընդամենը «եղինջի նման» են խայթում: Եվս մեկ վարկած էլ ուժեղ մակընթացությունն է, որը ունակ է հաշված րոպեների ընթացքում մարդկանց ջուրը քաշել - տանել:
Ոստիկանները ու փրկարարները հանգստացողների խնդրում են ջրից հեռու մնալ, հայտնել է Sky News–ը
Հարյուրավոր բրիտանացիներ այս օրերին ծովի ու Լա Մանշի ջրերում փորձում են փրկվել շոգ եղանակներից:
