Ռուսաստանի Վորոնեժի տարածաշրջանում օգոստոսի 24-ի վթարի հետեւանքով մահացած ՀՀ քաղաքացիների մարմինները եւ վթարից տուժած անձանցից մեկին տեղափոխել են Հայաստան։
Մահացած զարմիկներին՝ 31-ամյա Մանուկ Պետրոսյանին ու 35-ամյա Գագիկ Հակոբյանին այսօր՝ օգոստոսի 28-ին հուղարկավորել են։
Վթարից տուժած Ռոման Հակոբյանը, որը մահացածներից մեկի եղբայրն է, Հայաստանում է, տանը։ Նշենք, որ մյուս տուժածը 35-ամյա Ա.Վ. Էդոյանն է։
NEWS.am-ի տեղեկություններով՝ նրանք Հայաստանից էին Ռուսաստան մեկնում, երբ վթարի են ենթարկվել:
Հիշեցնենք, որ ըստ ՌԴ ԱԻՆ ԱՃԿԿ-ի՝ օգոստոսի 24-ին, ժամը 06.21-ին ՌԴ Մ-4 ԴՈՆ ավտոճանապարհի Մոսկվա-Նովորոսիսկ 602 կմ-ին՝ Վորոնեժի տարածաշրջանի Լիսկինսկի շրջանի մոտակայքում, «Նիսսան Տիանա» մակնիշի AA34KZ986 պետհամարանիշով ավտոմեքենան դուրս էր եկել ճանապարհի երթևեկելի հատվածից եւ շրջվել: Վարորդը՝ 31-ամյա Մանուկ Պետրոսի Պետրոսյանը ու ուղեւոր 35-ամյա Գագիկ Ժիրայրի Հակոբյանը մահացել էին, ուղեւորներ 35-ամյա Ա.Վ. Էդոյանը եւ Ռոման Հ.-ն տեղափոխվել էին հիվանդանոց:
