Հուլիսի 30-ին երեկոյան մի կի զանգահարել է ոստիկանություն եւ հայտնել, որ իրեն կողոպտել են: Դեպքը տեղի է ունեցել Նոր Խարբերդի տներից մեկի դիմաց, որտեղ ապրում է տուժողը:
Ոստիկանության մամուլի ծառայությունից NEWS.am-ին հայտնում են, որ կնոջ պատմելով 3-րդ մասում երթուղային էր նստել, որտեղ ծանոթների էր հանդիպել ու ասել, որ նոր է վերադարձել Ռուսաստանից ու մենակ է ապրում: Նրա խոսքով, ծանոթներն օգնել են իրեն տեղ հասցնել իր տոպրակները: Այդ ընթացքում իրենց է մոտեցնել մի անծանոթ երիտասարդ եւ ասել, որ ինքը կօգնի կնոջը՝ իրերը հասցնել տուն, բայց նրան մերժել էին, ու նա հեռացել էր:
«Նրանց հեռանալուց հետո այդ տղան մոտեցավ դարպասին: Նա գոռաց՝ մորքուր արի, բան ես մոռացել, արի վերցրու: Մտածեցի, երեւի տոպրակից բան է ընկել: Իջա ներքեւ դարպասը բացեցի, այդ պահին ձեռքը գցեց շղթայիս: Ինքան ուժ ուներ քաշեց, բայց չպոկվեց: Ես այդ ժամանակ հարձակվեցի նրա վրա, բռնեցի սառոչկից ու շրթունքից: Ինքը վերջապես պոկեց շղթան ու փախավ, ես էլ ճղեցի սառոչկեն»,-պատմել է կինը:
Նա հիշել է, որ այդ երիտասարդին տեսել է երթուղայինում:
Ոստիկանները պարզել են, որ երիտասարդը Դավիթաշենի բնակիչ է, 29-ամյա Լեւոն Հ.-ն, որը բերման է ենթարկվել:
Առավել մանրամասն՝ տեսանյութում:
