Գաբոնում զայրացած ցուցարարները հրդեհել են խորհրդարանի շենքը: AFP-ի փոխանցմամբ՝ հազարավոր մարդիկ փողոցներ են դուրս եկել՝ բողոքելու նախագահ Ալի Բոնգոյի վերընտրման դեմ:
Ականատեսների խոսքով՝ Գաբոնի խորհրդարանի շենքը կրակի ճիրաններում է, օգոստոսի 30-ին այնտեղ տեղակայված անվտանգության ուժերը հետ են քաշվել: Փողոցում, որտեղ խորհրդարանի շենքն է, կարեւոր այլ հաստատություններ էլ կան. Սենատը, նախարարություններ, մի քանի դեսպանատներ, պետական հեռուստատեսության կենտրոնական գրասենյակը:
Բախումները սկսվել են այն բանից հետո, երբ Բոնգոն հաղթող է ճանաչվել նախագահական ընտրություններում: