![](img/news/34/70/84/default.jpg)
ՌԴ ԿԸՀ–ն հաշվել է Պետդումայի ընտրությունների քվեների 90.01 տոկոսը։ Հաշվարկի արդյունքներով «Եդինայա Ռոսիյան» ստացել է ձայների 54.2 տոկոսը եւ առաջատար է, փոխանցում է Gazeta–ն։
ՌԴ Կումկուսը երկրորդ տեղում է՝ 13.54 տոկոսով, Լիբերալ Դեմոկրատական կուսակցությունը ստացել է քվեների 13.28 տոկոսը։ Չորրորդ տեղում է «Սպրավեդլիվայա Ռոսիան»՝ 6.19 տոկոսով:
Միամանդատ օկրուգներով խորհրդարան են անցել 6 կուսակցությունների թեկնածուներ եւ մեկ ինքնառաջադրված թեկնածու։ «Եդինայա Ռոսիան» առաջատար է 225 օկրուգներից 203-ում, Լիբերալ դեմոկրատները՝ 5-ում, Կոմկուսը՝ 7-ում, «Սպրավեդլիվայա Ռոսիան»՝ 7-ում։
225 պատգամավոր ընտրվել է համամասնական ցուցակներով, 225-ը՝ մեծամասնական։