![](img/news/34/71/00/default.jpg)
Չեչնիայի ղեկավարի պաշտոնակատար Ռամզան Քադիրովը հաղթում է հանրապետության ղեկավարի ուղիղ ընտրություններում՝ քվեաթերթիկների գրեթե մեկ քառորդի հաշվարկով հավաքելով ձայների 97.56 տոկոսը։ Այս մասին «ՌԻԱ Նովոստի»–ին հայտնել է Չեչնիայի ԿԸՀ նախագահ Ումար Բայխանովը։
«Մշակվել է քվեաթերթիկների 24.62 տոկոսը, եւ նախնական տվյալներով՝ Չեչնիայի ղեկավարի պաշտոնակատար Ռամզան Քադիրովը հավաքել է 97.56 ձայն»,– նշել է Բայխանովը։
Քադիրովից բացի, այդ պաշտոնին հավակնում էր եւս 3 թեկնածու։ «Աճի կուսակցության» ներկայացուցիչ Իդրիս Ուսմանովը հավաքել է 1.16 տոկոս, կոմունիստների ներկայացուցիչ Գաիրսոլթ Բատեւը՝ 0.75 տոկոս, «Սպրավեդլիվայա Ռոսիա»–ի անդամ Սուլթան Դենիլխանովը՝ 0.46 տոկոս։