Սեպտեմբերի 23-ին, ժամը 01.09-ին ահազանգ է ստացվել, որ Երեւան-Սեւան ավտոճանապարհին՝ Հրազդան քաղաքի մոտակայքում, տեղի է ունեցել ՃՏՊ, տուժածներ չկան. ավտոմեքենան ձորակից դուրս բերելու համար անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Պարզվել է, որ Մ-4 միջպետական ավտոճանապարհի Երեւան-Սեւան հատվածի 44-րդ կմ-ի մոտակայքում, դեռեւս չբացահայտված հանգամանքներում, Mercedess-benz E220 մակնիշի 29 ՏԼ 290 պ/հ (վարորդ Հ. Ա.) ավտոմեքենանան, դուրս է եկել ճանապարհի երթեւեկելի հատվածից եւ հայտնվել ձորակում (մոտ 4 մ). տուժածներ չկան:
Փրկարարներն ավտոմեքենան դուրս են բերել ճանապարհի երթեւեկելի հատված:
