Հայաստանում 5 տարում 5 հազարով քչացել են խանութները: Այս մասին ԱԺ-ում սեպտեմբերի 26-ին ասել է ԲՀԿ խմբակցության պատգամավոր, ԱԺ Էկոնոմիկայի հարցերով մշտական հանձնաժողովի փոխնախագահ Միքայել Մելքումյանը՝ ելույթ ունենալով «Տեղական տուրքերի ու վճարների մասին» օրենքում փոփոխությունների նախագծի քննարկման ժամանակ: Օրինագիծն առաջարկում է բարձրացնել խոշոր խանութներից գանձվող ու նվազեցնել՝ փոքրերից գանձվող տուրքերը (տուրքերը հաշվարկելու են ըստ դրանց զբաղեցրած մակերեսի):
«Այն ժամանկվա 15-16 հազար փոքր խանութներից հիմա 10-11 հազարն է մնում: Պատճառը մասնավոր փոխանցումներից շահույթի կրճատումն է: Դրանից բացի սկսել են ավելի քիչ ներմուծել լայն սպառման ապրանքներ, այսինքն կրճատվել է ներմուծումը ու նվազել համադրելի գներով առեւտրաշրջանառությունը»,- նշել է Մելքումյանը: