Ոնց կարոող է կառավարություն ձեւավորել առանց քաղաքական դեմքերի, նախագծեր բերել առանց քաղաքական մտածելակերպի ու ասել այսպես պետք է լինի մեր ապագան: Այս մասին, այսօր՝ սեպտեմբերի 7-ին, ԱԺ-ում իր ելույթում հայտարարել է ՕԵԿ խմբակցության ղեկավար Հեղինե Բիշարյանը:
«Այսօր մամուլը գրում է 600 մլն դոլար մասին, «Հյուսիս-Հարավի» նախագծից են խոսում, քանի ականավոր քաղաքական գործիչներ կառավարությունից «Հյուսիս-Հարավի» մեջ ընդգծվում են որպես անուններ, որ թալան են արել: Հիմա վաղը ձերբակալելո՞ւ եք»,-հարց հնչեցրեց նա:
Հեղինե Բիշարյանն անդրադարձավ նաեւ հոկտեմբերի 2-ին կայանալիք ՏԻՄ ընտրություններին՝ նշելով. «ՏԻՄ ընտրություններին ի՞նչ ենք անելու։ Մի հատ նայեք՝ պայքարը, լծակները, ամբողջությամբ քաղաքական են: Գնում եմ Վանաձոր, մարզպետը, քաղաքապետը, վարչության պետերը, դպրոցի տնօրենները, բոլոր Հանրապետական, բոլորը ստացել են հանձնարարական՝ աշխատել ընդդիմադիր բոլոր քաղաքական ուժերի դեմ, վարկաբեկել, ջարդել, ամեն ինչի վրով անցնել: «Բալասանյան դաշինք». ո՞նց կարող է այդպիսի բան լինել այս երկրում, որտե՞ղ են խոշոր քաղաքական ուժերը, որ երկրի քաղաքականությունը առաջ են տանում»:
