«Հայկական վերածնունդ» կուսակցության անդամ Հեղինե Բիշարյանը Վանաձորում արձանագրել է, որ ընտրողները նկարահանում են ընտրած քվեաթերթիկները։
«Արկղերի մոտ կան փոքրիկ անցքեր, որտեղից երեւում է, թե ինչ է անում ընտրողը ներսում։ Բազմաթիվ տեղերում ընտրողը քվեարկած թերթիկը նկարահանում է, ըստ երեւույթին՝ ընտրակաշառքի արդյունքում պետք է տանի, ցույց տա։ Կա նաեւ կարուսելի մտահոգություն, երբ թերթիկ են դուրս տանում, հետո պատրաստի բերում, գցում են»,- NEWS.am-ի հետ զրույցում ասաց Հեղինե Բիշարյանը։
Ըստ նրա՝ նման խնդիր եղել է շուրջ 10 ընտրատեղամասում, երկու տեղում էլ արձանագրություն է կազմվել։
Նշենք, որ Վանաձորում ընտրություններին մասնակցում է 8 կուսակցություն: «Հայկական վերածնունդ» կուսակցության ընտրացուցակը գլխավորում է Արկադի Փելեշյանը։
