Զախարիա Կալաշովը, որը հայտնի է որպես Շաքրո Մոլոդոյ, Ռուսաստանում հանցավոր միության անդամների միջեւ բաշխում էր ապօրինի ստացած միջոցները։ Այս մասին ասված է քրեական գործի նյութերում։
«Կալաշովը՝ որպես Ռուսաստանում հանցավոր խմբի ղեկավար, նշանակում եւ վերահսկում էր ենթակա ստորաբաժանումների ղեկավարներին, որոնք միավորված էին տնտեսական գործունեության տարբեր ոլորտների գործունեությամբ։ Նա հանցավոր միության անդամների միջեւ բաշխում էր ապօրինի ստացած դրամական միջոցները եւ այլ ունեցվածք»,– մեջբերում է «ՌԻԱ Նովոստի»–ն քրեական գործի նյութերը։
Հաղորդվում է, որ նա միության անդամների համար կատարման պարտադիր ենթակա կարգադրություններ էր անում, պլանավորում էր միության հանցավոր գործունեության ֆինանսավորումը։
Հիշեցնենք, որ Կալաշովը բանտարկվել է հուլիսի 13-ին, 2015 թվականի դեկտեմբերին Еlements սրճարանի սեփականատեր Ժաննա Կիմից 8 մլն ռուբլի շորթելու մեղադրանքով:
