Երկրորդական ֆինանսական գործիքներով համաշխարհային ստանդարտների ընդունումը Հայաստանին կօգնի արտարժույթով էժան իրացվելիություն ներգրավել։ Այս մասին հոկտեմբերի 24-ին խորհրդարանում ասել է ԿԲ փոխնախագահ Ներսես Երիցյանը՝ ներկայացնելով «Արժեթղթերի շուկայի մասին» օրենքում փոփոխությունների նախագիծը։
Նրա խոսքով՝ օրինագծերի ընդունմամբ Հայաստանի բանկերը կարող են միջազգային արժեթղթերի ֆյուչերսներ եւ օպցիոններ գնել հարաբերականորեն ցածր տոկոսադրույքով։ Էժան միջոցներ ստանալով՝ բանկերն իրենց հերթին կարող են ավելի էժան վարկավորել բիզնեսը, այդ թվում՝ արտահանողներինը։ «Մեր բանկերն ունեն հայկական դրամով իրացվելիություն, իսկ ահա հասանելի արժութային իրացվելիությունը չի բավականացնում։ Ստեղծելով պայմաններ երկրորդային գործիքներով միջազգայնորեն ճանաչված գործարքների համար՝ մենք կլուծենք այդ հարցը»,– ասել է Երիցյանը։
Օրինագծերի փոփոխությունների նպատակը Հայաստանում ստանդարտ ICDM կիրառումն է, որը թույլ կտա միջազգայնորեն ընդունելի պայմանագրեր կնքել երկրորդային ֆինանսական գործիքներով (ռեպո, ֆյուչերսներ, սվոփեր եւ այլն) Բարեփոխումներն իրականացվում են ՎԶԵԲ–ի հետ համագործակցությամբ Սվոփերի ու ածանցյալների միջազգային ասոցիացիայի (ISDA) մոդելով։
